Somaliyaa Konyaa Shabalee gara gadii bakka taphi kubbaa miillaa itti geggeessamaa turetti har’a boombiin dho’e yoo xiqqaate namoota afur galaafatuu isaa angawoonni naga eegumsaa beeksisaniiru.
Magaalaa Moqaadishoo irraa fageenya km 220 irratti argamtu Barawe keessatti boombiin dho’e gareen kubbaa miillaa naannoo kan magaalaa Barawe wayita dorogommii geggeessaa turetti ta’uu itti aanaan komiishinera naga eegumsaa magaalattii VOAf ibsaniiru.
Boombiin sun beekaa bakka angawoonni ol aanoon taa’an cina kan kaa’ame yoo ta’u kunis angawoota naannoo irraan miidhaa ga’uuf ture. Nuti garuu jedhan komiishinerri itti aanaan Bashir Yusuuf bakka adda addaa teenye. Maddeen hospitaalaa akka jedhanitti yoo xiqqaate haleellaa sanaan namoonni 13 madaa’aniiru.
Magaalaan Barawee magaalaa tarsiimoo kan andaara galaanaa fi naannoo maadhee waraana gamtaa Afriikaa guddicha.