Your browser doesn’t support HTML5
Afrikaa KeessaaBarreessaa dureen Tokkummaa mootummotaa Antoniyoo Gutarrees walgahii gamtaa Afrikaa irratti argamuuf jecha torban kana gara Finfinneetti imaluuf ka jiran ta’uun beekamee jira.
Kunis Tokkummaan mootummotaa fi Gamtaan Afrikaa giddutti walta’iinsa jiru akkaan foyya’uu isaa akkasumas Afrikaan rakkoo gurguddaa qabdu keessaa hanga tokko irratti foyya’iinsa ni argamsiifti abdii jedhu qabaachu isaanii Gutarrees ibsanii jiru.
Walta’iinsa Tokkummaa Mootummotaa fi Gamtaa Afrikaa gidduu jajjabeessuun Afrikaa gama gargaaruun qooda olaanaa qaba jedhanii
Araara Itiyoophiyaa fi Ertraa giddutti tolfame bu’aa Diploomaasii nageenyaa ta’u isaa ibsan.
Hogganaa Sudaan Kibbaa Saalva Kiir fi mormituu isaanii Riik Machaar giddutti waliigaltee nageenyaa hojii irra akka olchan gama gochuun foyya’insii akka jiru ibsan.
Ripaablikii Demokraatawaa Kongoo keessatti filannoo gaggeeffameen namnii sagalee uummataa sadarkaa lammataan injifate jedhame prezidaantii ta’e kakatee aangoo qabachuu isaa maqaa dhahaan.