Naannoo Amaaraa, Godina Goojjam Bahaa Aanaa Buree keessaa sababaa rakkoo nageenyaan buqqaasamanii yeroo ammaa Naannoo Oromiyaa Godina Horroo Guduruu Wallaggaa Aanaa Amuruu keessa akka jiran namootni Sagalee Ameerikaatti himan, hanqinni gargaarsaa waan jiruuf rakkannee jirra, jechuun akka gargaarsi hatattamaan isaan dhaqqabu gaafatan.
Bakka-bu’aan itti gaafatamaa waajjira Buusaa Gonofaa aanaa Amuruu obbo Mokonnin Tarrafaa hanqinni gargaarsaa jira jedhanii, buqqaatota kanneen gargaaruuf akka tattafatamaa jiru dubbatan.