Siifaan Nurediin (Hanaan) fi Amaan Huseen jiru baqatummaa keessa, biyya Masriitti wal baran. Magaala Kaayiroo an jiraataan maatiin kun bara darbe yeroo tokkotti daa’imman shan argatan. Isaan keessaa afuritu guddateef. Jireenya baqattumaa keessatti ijoollee afur umuriin wal-qixxee guddisuun salphaa akka hin taanee ibsu.
San malees, Siifaan yeroo ulfaa ijoolleen garaa keessatti bayyachuurraa rakkoo adda addaaf saaxilamuu ibsiti. Ofii dhukkubsachaa, akka hadhatti immoo dirqama irraa eeggamu ijoollee afur -umuriin isaanii reefu oggaa lamaawuu in guunne - guyyaa guutuu kunuunsuun kessumattu yeroo abban warra ishii hojjaa deemee itti ulfaachaa dhufuu fi qarqaarsa akka hawwitu dubbatti. Abbaan Shanee, Amaan, hawwin isaa ijoollen isaa guddatee hookan dooktora, hookan immoo garee kubbaa miilaa beekkamaa ta’ef yeroo tabatan arguudha.
Tuutni daa’imman shan hoo tokko dhalatan afaan ingiliziitiin ‘Quintuuplets’ jedhaman. Odeeffannoon gama kanaan jiru akka agarsiisuttii ulfa miliyoona 60 keessaa tokkotu carraa kana ta’uu argata .
Forum