Roobii, Hagayya 20, 2014 Local time: 20:27

Oduu

'Jiinsii fi Marxoo' Feestivaala Fiilmii Afrikaa 20ffaa Irratti

Roobaa Bulgaa
Roobaa Bulgaa
Namoo Daandii
​Ebla 3 irraa jalqabee haga Ebla 9, bara 2013tti Feestivaalli Fiilmii Afrikaa  20ffaan magaalaa NiwuYoork keessatti geggeessamaa jira.

Roobaa BulgaaRoobaa Bulgaa
x
Roobaa Bulgaa
Roobaa Bulgaa

“Film Society of Lincoln Center” - ka jedhamu, waaltaa agarsiisa fiilmii walakkeessa NiwuYoorkitti argamutti ka geggeessamaa jiru - feestivaala kana irratti fiilmota biyyoota Afrikaatti hedduu agarsoosaman keessaa tokko fiilmii dokumentarii “Jeans and Marto” yokaan “Jiinsii fi Marxoo”  jedhamuu fi seenaa dargaggoo Oromoo tokko irratti hundaa’e hojjetame. Roobaa Bulgaa Jiloo  jedhama - dargaggoon kun. Tikfatee-bulaa Oromoo Karrayyuu irraa dhalate.

Mana-barnootaa yeroo jalqabaaf bara 1994/1995 dhaaba “Guddina Tumsa Foundation” yokaan GTF jedhamun Karrayyuu keessatti hundeessame keessatti ka barnoota isaa jalqabe Roobaan, gargaarsa dhaabichaatiin gara Finfinnee dhufee barnoota sadarkaa lammaffaas itti fufe. Akka itti Roobaan ganda dhalata isaa, Karrayyuu dhaa ba’ee gara Finfinnee dhufee fi haalli jireenya isaa itti jijjiirame hordofee uffata  isaa, marxoo fi jiinsii,  akka fakkeenyaatti fudhachuun mul’isa fiilmiin sun. Ennaa Robaan barnoota isaa sadarkaa dhaa sadarkaatti milkaa’inaan dabree koolejiitti deemuu fi ennaa koolejii xumuratu immoo gara uummata isaatti deebi’u – yeroo inni jireenya isaa aadaa ka  ganamaa fi jireenya barnootaan argate walitti-araarsuu yaalu agarsiisa.

“Jiinsii fi Marxoon” feestivaalota fiilmii sadarkaa Addunyaa kudhanii ol irratti agarsiisamee simannaa gaarii argatee jira. Yeroo fiilmichi gidduu kana Feestivaala Fiilmii Afrikaa 20ffaa irratti agarsiisametti, Roobaan akka keessummaatti afeeramee achi jira.

Gaaffii fi deebii Roobaa waliin geggeessame guutummaa isaa as irraa dhaggeeffadhaa
Gaaffii fi Deebii dhaggeeffadhaai
|| 0:00:00
...
 
🔇
X
This forum has been closed.
Comments
     
There are no comments in this forum. Be first and add one