Magaalaa Gimbiitti, Namootni 100 caalan ‘Waraana Bilisummaa Oromoo deggertu,” jedhamuun hidhamanii jiru, jedhu -jiraattotni fi maatiin.
Gama biraan, Namootni Naqamtee, moonaa Masaraa Kumsaa Morodaatti hidhamanii jiran, “mirgi namummaa keenya nuuf kabajamaa hin jiru. Qaamni nu gaafates tahe seeratti nu dhiyeesse hin jiru,” kanneen hidhaa jiran sana keessaa tokko VOAtti himee jira.
Hidhamtootni kun kaleessa ‘lagannaa Nyaataa’ geggeessan, ka jedhu - maatii hidhamtoota keessa tokko. Torban dabre keessa Namoota Naqamtetti hidhaman keessaa hagi xiqqoon hiikamuullee dubbatee jira. Itti-aanaa Hoogganaan Biiroo Nageenyaa Oromiyaa Kolonel Abbaba Garasuu immoo, “Nama waraana irratti booji’an wanti seeratti dhiyeessan hin jiru, Warri Boombii darbatanii fi warri nama ajjeese ammoo seera ittiin gaafatamaa qabu” jedhan. Caqasaa
