WASHINGTEN DC —
Afriikaan kibbaa haleellaa lammiiwwan biyyootii Afriikaa kan biroo irraa dhufan irratti raawwatamuuf kana booda obsa hin qabdu jechuu dhaan prezidaant Ramaafoosaan, ibsa viidiyoon waraabamee kaleessa twiiterii irratti maxxanfameen beeksisaniiru.
Hookkarri Afriikaa Kibbaa keessaa guyyoota sadaffaa qabatee ennaa jiru kanatti poolisiin gandeen Joonsbergii fi Pritooriyaa keessatti bobba’ee jira.
Naannolee hookkara kanaan iidhaman shan keessaa poolisiin namoota 90 to’annaa jala oolchee jira. Abbootiin suuqii irra hedduun namoota biyyootii alaa ta’an qabeenyaa isaaniitti deebi’anii ilaaluu waan sodaataniif jecha suuqileen duwwaa ta’an akka cufamanitti jiru.
