WASHINGTEN DC —
Waraanni Sudaan hoogganaa yeroo dheeraa Omar Al Bashiriin eega aangoo irraa buusee baatilee shan booda, kaabineen biyyattii haaraan Dilbata dabre irbuu seenuun aangoo qabate.
Walii-galtee aangoo-qooddannaa hoogganoota waraanaa Sudaanii fi hoogganoota uummata mormiilee geggeessaa turee gidduutti mallatteessame irratti hundaa’auudhaan, miseensonni mana-maree ministarootaa muudamanii, irbuu seenuun hojii jalqaban.
Kaabineen haaraan hundeeffame kun, Sudaan keessatti deggersa bal’aa argatee jira, jedhama.