Bulchiinsa naannoo Oromiyaa, godinaa Gujii Lixaa, aanaa Galaanaa keessatti gurmuu mootummaa “ABO Shanee” ittiin jedhuu fi ofii “Waraana Bilisummaa Oromoo” jechuun of waawaniin haleellaan geggeessamaa jiru daran hammaatee itti fufuu isaa jiraattonni aanichaa hagi tokko Raadiyoo Sagalee Amerikaatti himanii jiran.
Bulchaan aanaa Galaanaa gama isaaniitiin miidhaa gurmuun hidhattootaa kun geessiseen lubbuun namootaa dhabamuu fi lammiwwan buqqa’uu ibsanii, mootummaa naannoo fi mootummaan federaalaa humna dabalataa bobbaasuun duulanii yoo tarkaanfii irratti hin fudhanne haalli isaa rakkisaa tahuu dubbatan.
Himannaa kana irratti hoogganoota gurmuu riphxee loltootaa irraa deebii argachuuf carraaqqiin gohame haga ammaatti akka hin milkaa’iin Yonaataan Zebdiwoos Hawaasaa irraa gabaasee jira. Tujubee tu dhiheessa.
