Naannoo Oromiyaa Godina Addaa Naannawa Finfinnee bifa harawaan kan caaseffame Magaalaa Shaggar kutaa bulchinsa Sulultaa jalatti kan argamtu ganda Akaakoo mana Abbichuu keessa jiraattonni jiran "manni jireenyaa keenya seeraan ala nu jalaa diigame" jechuun komatan.
Jiraattonni kunneen Sagalee Ameerikaaf akka ibsanitti bara 2011 irraa jalqabee gurmaa'anii akka lafa kana fudhataniifi ijaarsa irratti gaggeessaa turan kan ibsan yoo tahu waggootan darbaniif qaamni mootummaa "ijaarsa seeraan alaati, dhaabaa nuun jedhe hin jiru" jechuun ibsaniiru.
Itti aanaan kantiibaa magaalaa Sulultaa obbo Abrahaam Birhaanuu dhimma kana irratti Sagalee Ameerikaaf yeroo deebii kennan,lafti lafa bosonaa mootummaa ta'uuf seeraan ala weerarri lafaa gaggeeffamee ijaarsi raawwatame, gurmaa'insi jiru kan mana ijaarsaa osoon taane hojii waldaa interpiraayizii fi maakiroo xixiqqaa dha jechuun ibsaniiru.
Forum