Konkolaachistoonni Naannoo Amaraarraa gara Finfinneetti Imalaa Turan Godina Shawwaa Kaabaa bakka Aliidoroo jedhamu naannoo Oromiyaatti Waraana Bilisummaa Oromoon ukkaamfamuu himatan baay’inni isaanii 16 ta’an maatiin isaanii nama tokkoof birrii miiliyoona tokko kaffaluun akka gadhiifaman sagalee Ameerikaatti himaniiru.
Maatii fi firoottaan Konkoolaachistootaa nu jalaa uukkamafan jechuun torban darbe Sagalee Ameerikaatti himan baay’inni konkolaachistootaa butaman jedhamanii 30 akka ta’anii fi hidhattoonni konkolaachistoota sana butanis Waraana Bilisummaa Oromoon akka tahetti dubbatanii turan.
Waraanni bilisummaa Oromoo gama isaan karaa dubbii himaa isaa gochaa kana keessaa akka harka hin qabne dubbatee ture. Dubbi-himaan gurmuu kanaa Odaa Tarbii, torban dabre deebii Sagalee Ameerikaaf kennaniin “Humnoonni keenya gochaa akkanaa raaw’atanii hin beekan. Gara fuul-duraattis hin raaw’atan.” Jechuu isaanii ASteer Misgaanaaw, Baahir Daar irraa gabaastee jirti.
Forum