Duulii Awwaanisaa Itoophiyaa irra maruutti jiru kun dhiyoo tana Keenyaa am Kaabaati kahee gulaan Booranaan bahe. Akka warrii arge jedhutti yoo gama dhufu duumasa,awwaara fi duumansa bokkaa fakkaata.
Yoo tokko tokko gadi dhiyaataa waan dotii,jiituu argee jennaan bira hin dabru. Lafa irraa haga metirii 5-7 yoo tokko tokko ammoo sunillee caalaa fagaatee yaa’a.
Adoo lafatti gadi dhiisanii lafa km 10 hin guuta. Yoo inni yaa’u allaattii,qoree fi harraanqessatti nyaachuu faana yaa’a.
Akka Falmataa Nuuraa Yaaballoo jedhetti awwaanisii kun allaatii fi harraanqessallee jabeessee ufi irraa dhowwa. “Taatullee koolaan dhahee buusee nyaata.”
Awwaanisii kun waan waan gurraatti lafatti jissaa yaa’a. “Wannii gurraatiin sun udaan isaati” jedhan.Awwaanisi yoo qawwee itti tokkosan oli fagaatee baqata yoo ammoo qorqooroo fi jerkaanii itti dhaanan diqquma oli fagaatee deebi’ee taa’a.
Awwaanisii waan itti qajeelee ka akka baadallaa,xaafii.misingaa fi waan hedduu daaraa tolchee biraa yaa’a.
Bineensii midhaan barbaada yaahu kun ammallee Booranaa baddaa hedduu keessa jira. Namii lafa jiituu irratti eegatee ufi irraa dhowwuutti jira.
Amma hagii guddaan Boorana bira dabree gara karaa gara Konsoo dabre jedhan.
