AMBO —
Itiyootelekoom magaalaa Amboo dabalatee magaalaalee naannoo Giddu-gala Lixaatti argaman shan keessatti tajaajila interneetii saffisa olaanaa “4G fi LTE Advanced” jedhaman jalqabsiisuu isaa, kaleessa sirna magaalaa Ambootti geggeessametti beeksisee jira.
Hoji-Gaggeessituun Olaanaa Itiyootelekoom, Aadde Fireehiwot Taammiruu, kaayyoon tajaajilicha jalqabsiisuu maammilootni tajaajila shaffisaa akka argatan taasisuu dubbatan. Oromiyaa Lixaa, godinaalee Wallaggaa keessatti tajaajilli interneetii addaan cituu ilaalchisee garuu waan dubbatan hin jiru.