WAASHINGITAN, DIISII —
Sudaan Ambaasaddara ishee Itiyoophiyaatti argaman gara Kaartumitti waamuun ishee beekamee jira.
Sudaan walitti-bu’ainsa naannoo Tigiraay keessa jiru araarsuuf qooda jaarsummaa fudhachuuf gaaffii dhiheessite eega mootummaan Itiyoophiyaa fudhatama dhorkatee booda, Ambaasaddara ishee Itiyoophiyaa keessaa gara biyyaatti waamte.
Itti-gaafatamtuun kutaa preesii waajira mummicha-ministaraa Itiyoophiyaa, Biillenee Siyyum dhimma kana ilaalchisee ibsa gaazzexeessotaaf kennaniin hoogganoota mootummaa Sudaan tokko tokkoo waliin wal-amantaan qabnu laaffatee jira, jedhan.