Muummichi ministeeraa Sudaan Abdallaa Hamdook ce’umsa nagaa gara dimokraasiitti geessutti milkaa’uu hin dandeenye jechuu dhaan aangoo gad dhiisuu isaanitti aansee biyyattiin dilbata kaleessaa jeeqama siyaasaa hamaa keessa seenutee jirti.
Hamdook labsii aangoo gad dhiisuu isaanii kan labsan haasaa televiziyoona irratti dhiyaachuun dhageessisaniin ture.
Hamdook akka jedhanitti “biyyi keenya gara badiitti akka hin seenne hamman danda’e yaalii godheera. Amma immoo biyyi keenya hatattamaan hin sirraa’u yoo ta’e, jiraachuu ishee guutummaan balaa irra kan buusu boqonnaa jijjiirama balaa qabu irra jirti” jedhan.