Sirni Baalii wal harkaa fuudhiinsaa Gadaa Gujii Me’ee Bokkootti gaggeeffamaa ture harra xumuramee jira. Sirna guyyoota jahan darbaniin Ardaa Jilaa gadaa Gujii Me’ee bokkootti gaggeeffamaa tureen Abbaan Gadaa, Gadaa Harmuufaa Jiloo Mandh’oo, Abbaa Gadaa Roobalee kan tahan Jaarsoo Dhugoof baallii dabarsanii jiran.
Obbo Ashennaafii Dhanquu, Itti gaafatamaan waajjira Koomunikeeshinii Godina Gujii, sirna kanarratti biyyoota ollaa akka Keeniyaa, Somaalilaand fi kaanirraa akkasumas Naannolee Itiyoophiyaarraa bakka bu’oonni irratti hirmaachuu eeranii, jiraattonni godinaalee Oromiyaa miiliyoonotatti tilmaamamu jedhani’illee sirna baallii Gujii kanarratti qooda fudhchuu VOA’f himaniiru.
Sirni kun rakkoo nagaa malees xumuramuu Obbo Ashennaafiin dubbatanii jiran. Gadaa Roobaleen baallii kan fudhatan Abbaan Gadaa Jaarsoo dhugoo waggoota saddeettan dhufaniif Alangee bulchiinsa Gadaa kan harkatti qabatan ta’a.