WAASHINGITAN, DIISII —
Maatiiwwan barattoota guyyoota 50 oliif achi buuteen dhabamanii ijoolleen isaanii akka gad dhiisaman gaafataa jiran.
Caasaalee hawaasaa irratti duulli guddaan xumura torban darbee geggeessamee jira. Abbaan Ijoollee universitii Dambi Dolloo keessaa dhabaman tokkoo akka jedhanitti ijoolleen isaanii kanneen biroon erga intalli isaanii achi buuteen dhabamee as mana barnootaatti deebi’uu didan jedhan.
Poolisiin federaalaa akka jedhetti waajjirri muummicha ministeeraa garee dhimma barattoota dhabaman kanaa hordofu hundeeffamee jira. lakkoobsa qabatamaan jiraachuu dhabus barattoonni kun lubbuun jiraachuu poolisiin dubbatee jira jechuun Waahilli sagantaa Afaan Amaaraa Tsion Girmaa gabaasteetti.
