Xurree ittiin seenan

Breaking News

Baqattoota Itiyoopiyaa Kumaan Lakkaawwaman Deggeruuf Gargaasa Hatattmaatu Barbaachisa: UNHCR 


Faayiilii - Baqattoota Itoophiyaa wallaansa fayyaa dhaabbanni "Doctors with out Boarders' naannoo dangaa Baha Sudaanitti kennu argachuuf hiriiran, Muddee 8, 2020

Jarmayaan baqattootaa kan tokkumaa mootummootaa fi gareeleen gargaaa 30 ta’an baqattoota naannoo Tigraay akkasumas biyyoota naannoo baqattoota kana simatan baatilee itti aanan ja’aaf kan oolu gargaarsa doolaara miliyoona $156 gaafateera jechuun Liisaa Shilaayin Jenevaa irraa gabaasteetti.

Baqattoota Itiyoopiyaa Kumaan Lakkaawwaman Deggeruuf Gargaasa Hatattmaatu Barbaachisa: UNHCR
please wait

No media source currently available

0:00 0:02:49 0:00

Hanga ammaa Itiyoopiyaa gama kaabaa Tigraay irraa kanneen baqatan gara biyya hollaa Sudaanitti dheessanii jiru. Haa ta’u malee jarmayaan baqattootaa kan tokkummaa mootumootaa akka jedhetti haalli kun jijjiiramuu mala. Jarmiyichi akka jedhutti baqattoonni Itiyoopiyaa keessaa akka hin bane ittifaman jedhaman gara Jabuutii fi Eertraatti baqachuu malu jedhee jira.

Gargaarsi jaarmolii hedduun kibxata kaleessaa gaafatame kun akeeki isaa mootummoota sadii fi kanneen biroo naannoo sana keessa jiraniif kanneen dahata siyaasaa gaafatanii fi haala mijeessuu akkasumas kanneen qe’ee ofii irraa baqachuuf dirqaman gargaarsa lubbuu oolchuu dhiyeessuuf oola.

Jaarmoliin gargaarsaa lakkoobsi lammiiwwan Itiyoopiyaa biyya hollaa keessatti dahata siyaasaa barbaadanii akkaan gad bu’uu hubachuu isaanii tuqaniiru. Dubbi himaan UNHCR Andreh Mahesik akka jedhanitti lakkoobsi kun walumaa gala yeroo ammaa kuma 52,000.

Yaadawwan Ilaali (3)

XS
SM
MD
LG