Bulchiisa naannoo Tigiraay, magaalaa Aksumitti akka lakkoobsa Itiyoophiyaatti Sadaasa 19, bara 2013 waraansa gegeessame irratti, “kanneen waraansichatti hirmaatan, garuu uffata danbii loltuu hin uffatiin 93 du’aniiru,” jechun Abbaan-alangaa Itiyoophiyaa ibsee jira.
“Magaalaa sana keessatti raayyaan ittisaa fi loltoonni Ertiraa namoota nagaa ajjeesan, “ jedhamee himannaa dhihaate waajirri keenya baatiilee lamaaf qorataa ture, jechuun gaazzexeessotaaf Abbaan-alangaa Itti-aanaan Obbo Fiqaaduu Tseggaa, qorannaa haga ammaa geggeessamee ragaa qulqullaa’een, namoonni 6 raayyaa ittisaan ajjeesamuun mirkaneessamuu dubbatan.
Gama biraatiin immoo, yeroo wal-fakkaataatti magaalaa Aksum keessatti, waraansa geggeessameen namoonni nagaan dhibbootatti lakkaawaman, haleellaa qindaawaadhaan ajjeesaman, jechuun gareen Mirga Namoomaa – Amnesty Internashinaal, gabaasaa baaseen ibsee ture.
Tsahaay Daamxoo Finfinnee irraa gabaasaa qabdi.
