Xurree ittiin seenan

Breaking News

"Qaataar Shororkeessummaa Gargaarti" Jechuudhaan Biyyoonni Jaha Hariiroo Dippiloomaasii Irraa Kutatan


"Qaataar Shororkeessummaa Gargaarti" Jechuudhaan Tokkummaan Imeretoota Arabaa fi Biyyoonni Kaan Afur Hariiroo Dippiloomaasii Irraa Kutatan

Qaataar shororkeessummaa gargaarti – jechuudhaan, Saawudii-areebiyaan, Masriin, Tokkummaan Imeretoota Arabaa, Yemenii fi Maaldvis, har’a, hariiroo dippiloomaasummaa irraa kutatanii jiran.

Ministriin Dhimma-alaa Qaataar immoo, tarkaanfiin biyyoonni kun fudhatan, “kan hundee qabatamaa hin qabnee fi odeeffannoo hin mirkaneeffamiin irratti hundaa’ee fudhatame – jechuun mormii isaa dhageessise.

Dippioomaatota isaanii akka Qaataar keessaa baasanii fi biyya zayita boba’aan duuretti taate kana irraa, geejjiba qilleensa irraa fi galaana irraa akka irraa kutan beeksisan – biyyoonni Giddu-galeessa Bahaa kun.

Masriin, akka Ambaasaddarri Qaataar sa’aatii 48 keessatti biyya ishee gad-lakkisanii ba’an akeekkachiisa kennite. Biyyoonni Galoo Pershiyaa immoo, lammiwwan Qaataar, guyyoota 14 keessatti akka biyya isaanii gad-lakkisanii ba’an akeekkachiisan baasan.

Humnoota wal-taaatotaa Mootummaa Yemen deggeruun lolan kan hooggantu – Saawudii Arabiyaanis, akka humnoonni Qaataar waraana sana keessaa ba’an ajaja kennitee jirti.

Yaada kenni

Yaada mul'isi

XS
SM
MD
LG