Xurree ittiin seenan

Breaking News

Taatoo fi Bulchaan Kaalifoorniyaa Duraanii Hookkara Mana-maree Yunaaytid Isteets Irratti Geggeeffame Balaaleffatan


Arnoold Shiwaazneeger,

Taatoo fi bulchaan Kaalifoorniyaa duraanii – Arnoold Shiwaazneeger, dhaamsa viidiyoon waraabanii dhiheenya dabarsaniin, hookkara dhiheenya Mana-maree Yunaayitid Isteetis irratti geggeessame balaaleffachuudhaan, kan “soba Prezidaant Traamp tu hookkaricha kakaase,” jedhan.

Prezidaant Traamp, filannoo haala madaalawaan geggeessame irraa ba’ii argame gargalchuu akka barbaadanitti ka dubbatan – Shiwaazzineeger, uummaa dogoggorsuudhaan fonqolcha deemsisuu barbaada, jechuun qeeqan.

Prezidaant Traamp ragaa qabatamaa tokko malee, filannoo gaafa Sadaasa 3 geggeessamee sana akka mo’anitti dubbataa turan. Eega deggertoonni isaanii Roobee dabre hookkara kaasuun, Waajira Mana-maree Yunaayitid Isteetisitti humnaan seenanii booda, prezidaant Traamp dhaamsa viidiyoon dabarsaniin, gochaa sana balaaleffatanii, taayitaan prezidaantummaa isaaniis gufuu tokko malee akka gara filatamaa prezidaantummaatti dabru kan hojjetan tahuu beeksisanii turan.

Yaadawwan Ilaali

XS
SM
MD
LG